حبيبة قلبي -اجزااء- تجنننن ..

وااااااااااااااااااء

وربي بكيت لم ماتت امل الله يرحمها
مسكين سالم ايش راح يصير فيه

ولا رغد امووت فيها

==

لسعه

الله يوفقك ويسعدك وتلاقي اولاد عم لايك رغد
وتتزوجي واحد لايك طارق اور سالم
انك تنزلي الاجزاء الباقيه يلااااااا
الله يوفقك ياااااااااااااااااااااااارب

وربي مرة حلوة نفسي اعرف ايش راح يصير بعدين ونفسي اعرف متى يتزوجوا

دمتـ بود

لالالالالالالالالالالالالا
لالامووووووووو معقووووولة امـــــــــل لالا
ان شاء الله يطلع تشاابه بالاساامي ولا اي شي تااني
ولالالا انهااااااااااا تموووووووووت
لا حراااااااام طيب ايييش راح يصييير لساااااالم ياقلبي عليييه
ولا رررغد كيييف بتكوون من دووون امـــــل
لا ان شاء الله تشاابه بالاسااامي
وااااااااااااااااااااااااااء
والله مت بكي عليهااااا
اهئ اهئ اهئ
بس قلبو لسوووعة
بلييييز لاتتاخري علينا
وان شاء الله تكووون النهااية سعيييدة

دمتـ بود

رغد ابتسمت : هلا والله من متى ونتي هنيه ؟

النرس : قبل شوي ييت وانتي قاعده تحاجين ولدج , بس شكلج ماحسيتي فيني . انتي تحبينه وايد ؟( تأشر على سعود )

رغد ابتسمت : اكثر من ما تتصورين

النرس : معليش ادري اني ملقوفه واتدخل بالشئوون العائليه

رغد ضحكت لها : لا والله , طيب اشرايج انج خشيتي قلبي ؟ شكلج بتصيرين رفيجتي . وكل يوم والثاني بطيح عليهم عشان اشوفج

النرس تضحك : هههههه حليلج رغد ايه صح ( قلب ويهها ) عظم الله اجرج , اعذريني نسيت

رغد : اجرنا واجرج

النرس : يللا عاد زين جذيه تحسسيني بالذنب اني قلت لج هالكلمتين ؟ لاتبوزين والله ان ضحكتج حلوه

رغد ابتسمت : ليتج عرفتي امل , جان تبجين عليها الى ماتجف دموعج , ( مسحت ويهها بيدينها ) عالعموم مو مهم

النرس : رغد انتي صرتي تهميني , ارجوج لاتبجين مره ثانيه , ترا والله شكلج وانتي تضحكين احلى بواااايد . ماقد قال لج ريلج جذي ؟ ( تضحك )

رغد ابتسمت : الصراحه قال

النرس ابتسمت لرغد : عالعموم انا بروح وان بغيتي شي ناديني ( تأشر على سعود ) , ممكن شوي ابي احبه وايد يينن ماشاء الله

رغد : خذي

النرس : وايد يشبه ابوه

رغد تستهبل : شنو قزّيتيته ؟

النرس : اسفين يبه , يكلمني وطالعت بويهه , بس ماشء الله الله يخليه لج , وايد وايد وايد وسيم , حتى زوجته حلوه ومملوحه

رغد : اقول عاد منى لاتجاملين وايد

النرس : يازينج لاناديتيني باسمي , بعدين انا ما أجامل

رغد : انزين صدقناج

( شويه الا بجية تاني )

تاني تطالع منى النرس وتقرا اسمها على بطاقتها : مونى ؟ شكرا انتي في يهتم في رغد

النرس : لا شكر على واجب رغد تنحب علطول

رغد ضحكت

النرس : يللا انا استأذن مع السلامه

( اول ماطلعت منى رغد تلقتت )

رغد : تونا وين طارق

تاني بخبث : اول مره في يسأل

رغد : انطمي زين الشرهه على اللي يسألج

( في هذي اللحظه النرس كانت توها مسكره الباب وراها وكان طارق قاعد على الكراسي مغمض عيونه ومرجع راسه على ورا ويدينه ورا راسه ويغني بصوت واطي : على كثر العيون اللي ضحكت لي مابكت لي عين ...

وقفت منى فوق راسه وبشويش : استاذ طارق

طارق فتح عيونه بهدوء ورفع راسه وابتسم لها ووقف : ماكنت منتبه , آمري ؟

منى : بس في جم ورقة نبيك تعبّيهم

طارق : انشاء الله

منى وهي تمشي معاه للرسبشن : الله يخلي لك رغد , وايد حبيتها

طارق ابتسم : حسيت جذي صارت صداقه بينكم , اهي وايد اجتماعيه

منى : كله ولا البيبي يينن ماشاء الله

طارق ضحك بعدين وهو يمشي رجع يدينه ورا راسه بحركته المعتاده : الا قولي لي ( يطالع في بطاقتها ) منى ؟

منى : هلا

طارق : رغد ماقالت شي عني ؟

منى : شي زي شنو ؟

طارق : أي شي

منى : لي انا شخصيا ماقالت بس سمعتها تحاجي سعود . جذيه اسمه صح ؟

طارق : ايه , شقالت له ؟

منى : ماودي اتدخل بينكم بس انت طلبت

طارق : لا عادي دكتوره منى تفضلي ( ابتسم )

منى : ( حتى ابوك احبه , بس هو مايحبني تقدر تقول يتعاطف معاي )

طارق التفت عليها : صج ولا من عندج ؟

منى : لا والله انا سمعتها تحاجيه جذيه

طارق سوّى انه مو مهتم وابتسم لها : انزين دكتوره منى مشكوره

منى : بس انت تحبها صج ؟ ( طارق مارد عليها سكتت شوي بعدين قالت ) : معليش اسفه اظاهر تدخلت بالخصوصيات اعذرني

طارق طالع فيها ببروده المعتاده : ما سكت اني مابي ارد عليج , بس ماعرف شلون اوصف لج

ضحكت له منى ومشوا عند الرسبشن

في المستشفى الثاني فيصل سحب سالم الين السياره

سالم بهدوء مخيف : فيصل خلّني ارقى فوق

فيصل : سالم خلاص شالوها

سالم بيفتح الباب بس فيصل قفله

سالم : اوهوه , يعني شنو الحين ؟

فيصل مسك سالم من جتوفه : سالم سالم خلاص ارحمنا

سالم بعد فترة سكوت رجع كرسيه على ورا وتم يبجي مثل اليهال

فيصل انكسر خاطره على سالم بس ماقدر يسوي له شي , حرك السياره , دق على طارق وراحوا عند رغد

0 في المستشفى عند رغد )

عايشه تدف رغد : خرّعتيني عليج ويا ويهج

رغد تضحك : لازم اسوي جذيه ابي اشوف غلاتي عندكم

فاطمه : ويه يابعد قلبي انتي اكيد غاليه

عايشه : والله اني احبج حتى اكثر من طرّوق وفيصل

فيصل : هاه يمه بدينا .؟

طارق : خلها فيصل يوم من الايم بتعرف قيمتنا , تبيعنا عشان وحده زي هذي ( يطالع امه يعني زعلان ويطالع رغد بكبر)

رغد تعتدل في قعدتها : انتوا ليه جذيه تغيرون مني وايد ؟ يعني انا شسوي لكم اذا انا وايد حبوبه وحليوه واخش القلب بسرعه ؟ ( تضحك بكبرياء )

فيصل : دايم قاهرتني هالبنت

ضحكوا كلهم

( شوي الا بدخلة سالم بعد ماهدا )

سالم : السلام عليكم

الكل : وعليكم السلام ورحمة الله وبركاته

سالم راح عند رغد : عظم الله اجرج

رغد التفتت له بحزن بس مابغت حد ينتبه لنظراتها : اجرنا واجرك انشاء الله

سالم : شخباركم ياجماعه ؟ ابوي وساره ماياو ؟

رغد : مابعد

سالم : ومريم ؟

رغد : بتيي بعد 5 دقايق
سالم هز راسه وتسند على الجدار وجلس يتذكر , يوم حس بروحه بيبجي استأذن وطلع , وعايشه دقت على عبد الله قالت له يرد الكويت باسرع وقت ممكن عشان رغد .. من ثاني يوم الصبح ردّ

رغد : هلااااااااااااااااا يبه وحشتني

عبد الله لوى عليها : يالكريهه خبصتيني عليج حسبالي شي جايد اثاريج تتدلعين

رغد تستهبل : حرام عليك يبه والله اني تعبانه

عبد الله : ماتشوفين شر يابعد قلب ابوج , الدكتور قال يبي لج ترتاحين 3 ايام زياده

رغد : شنوووو ؟ مابلحق على عزا امل الله يرحمها , مالي شغل قول له اطلع بعدين يردوني مره ثانيه

عبد الله : مايصير يابنتي

رغد باصرار : الا يصير , مالي شغل

عبد الله : صحتج تتدهور , بعدين انتي معذوره

رغد شوي وتبجي : يبه ان مارخّصوني اطلع ترا بنحاش من المستشفى

عبد الله ماقدر يوقف جدام اصرار رغد : انشاء الله يبه . بس اوعديني , اول مايخلص العزا تردّين ترتاحين بالمستشفى .

رغد بحزن : يبه انت بترد تسافر باجر ؟

عبد الله : يابنتي والله ذابحني الشغل لازم اسافر

رغد : يبه اقعد وياي على الاقل اسبوع , اسبوع واحد بس ( وقامت تترجاه وهي تبجي ) , اسبوع واحد بس , واحد بس

عبد الله : انشاء الله يبه انشاء الله عشانج بس

رغد قربت منه وحبته على خده : مشكور

عبد الله : افا عليج من لي غيرج

رغد رفعت يدينها : عسى الله يخليك لي ولا يحرمني منك

عبد الله : ويخليج لي

( ومرت ايام العزا , ورغد بجت لما تعبت وسالم نفس الشي والكل كان حزين , الكل كان يعرف امل وطيبتها , والكل كان يشهد لها بكل شي زين , محد قد مسك عليها شي مو كويس )

رغد قاعده على واحد من كراسي حديقتهم برا وتهز بحزن

شوي الا بيية سيارة نزل منها حمدان

حمدان يا عندها ووقف : السلام عليكم

رغد رفعت راسها وشافته , هذا حمدان من زمان عنه , اذكر كنت زعلانه عليه بس ليش ؟ مو مهم , انا رضيت ماحب اشيل في قلبي على احد

رغد ابتسمت بحزن : وعليكم السلام , شخبارك

حمدان : بخير الحمد لله , عظم الله اجرج

رغد : جزاك الله خير

حمدان : عمي داخل ؟

رغد وهي ملتفته : تفضل موجود

حمدان سكت فتره : مو شايله بقلبج علي ؟

رغد التفتت له وابتسمت : لاتخاف

ابتسم حمدان ودخل , وبالليل الكل كان بيتيمع بيت العم عبد الله عشان رغد من بارج بتردّ المستشفى , الايام هذي ماكانت تاكل زين , ولاتهتم بنفسها , المستشفى بيهتمون فيها

تيمعوا كلهم بالصاله وتموا يسولفون , سالم استأذن وطلع برا

عبد الله : تاني , تاني

عايشه : وينها فيه هذي ماترد

عبد الله التفت على مريم اللي كانت اقرب وحده للباب : مريوم يمه قومي شوفيها يمكن برا تسقي الزرع

رغد تستهبل : بس اطلع من المستشفى , بسقيها انا زي كل يوم

عبد الله : انتي تسقين بمزاجج اصلا , بس ماخذه راحتج عشان الحديقه برا مسكره عن الناس

رغد : والله انا حب الحديقه وااااااااااااااااااااااااااااااااااااايد

عبد الله يضحك : الله يخليكم لبعض , مريوم يمه قومي دوّريها

مريم قامت وطلعت برا : انشاء الله عمي

طلعت مريم تلفتت في الحديقه ماشافت تاني , كان في واحد قاعد عل الكرسي ماسك شي بيده ,, قربت مريم منه ووقفت في ويهه لانه كان منزل راسه

مريم : سالم ؟

سالم رفع راسه بيشوف منو بعدين رد نزله مره ثانيه بدون اهتمام

مريم سحبت السجاره من فمه : من متى وانت تدخن ؟

سالم طالع فيها ومد يده بحركه معناها عطيني اياها

مريم : ماكو . انت تدخن ياسالم ؟ لو عمي محمد درى شبيقول ؟ لو امك درت شبيصير .؟

سالم وقف من الكرسي بحركه خوّفت مريم , سحب السيجاره من يدها وردّ يدخن

مريم وقفت منصدمه ومعصبه عليه , شفيه هذا مو معبرني وانا ادور على مصلحته ؟

سالم وهو يدخن : انتي تعرفين امل ؟

مريم : مو وايد

سالم : لا تلوميني

مريم قعدت على الكرسي اللي يمه : ياسالم مهما كان , كلنا بنموت , مستحيل هذا الشي يخليك تنقلب جذيه وتدخن ويعتفس حالك ( تأشر على لحيته ) شف شكلك وايد محيوس , من زمان ماحلقت ومبين عليك وايد تعبان

سالم يلتفت لها ويردّ يلتفت عنها ولا يعطيها ويه

مريم عصّبت وقامت ووقفت بويهه : كيفك ياسالم , كلنا حزننا عليها . بس هذا رغد ماقامت تبجي زي الاول , لازم ننسى ياسالم لازم نفتح صفحه يديده , اللي راح مارح يردّ وانت تعرف هالشي , نت سالم القوي ماتخيلناك بلحظه تضعف

مشت مريم عنه بس مسكها من ذراعها بحركاته المعتاده والتفتت عليه باستغراب

سالم وقف من الكرسي وشال السيجاره وطلع الباكيت , مسك يد مريم وحطهم فيها وابتسم

ابتسمت له مريم بانتصار ومشى عنها ,, رد وسحب شعرها من ورا وهو يضحك بالم : مريوم ان درى حد ياويلج

مريم تبتسم : ااااااااي , انزين هدّ شعري خلاص والله موب قايله لحد , تقطّع شعري

سالم : طويل وناعم , مارح يتقطع

مريم : قول لا اله الا الله

سالم ابتسم : لا اله الا الله

مريم : عن اذنك

سالم طلع من الحديقه : فمان الله

ردت مريم داخل الا بجية تاني من مستودع المطبخ كانت تحوس هناك على عادتها ,, مريم مايابت طاري سالفة سالم حق أي حد .. وهو وعد نفسه مارح يرد يدخن مره ثانيه , وفي الليل

عبد الله : طارق ابوي في اشياء وايد انت تعرفهم بالشغل , ابيك الصبح بكره وياي انشاء الله

طارق : انشاء الله يبه


عبد الله يطالع في رغد اللي تحوس في موبايلها : هذي الينّيه بنوديها المستشفى اول , بعدين نروح الشركه

طارق : انشاء الله بكره الصبح بكون عندك

رغد : يوه لازم اروح ؟

عبد الله : ايه لازم

رغد بزهق : ماحب المستشفيات بس امرنا لله , يللا انا بروح انام عن اذنكم

( توها رغد قامت من اكنبه حست بدوار وبغت تطيح وكان عمها محمد يمها ومسكها )

محمد : رغد شفيج يبه ؟

رغد : لا ماكو عادي بس نعسانه شوي

محمد : وتقولين ماتبين تروحين هاه ؟ المفروض من الحين تروحين

عبد الله : الحمد لله والشكر ماعندنا اكل بالبيت , كلي يابنتي مو حاطه حيلج بهالحلاو والخرابيط

رغد قامت بشويش ورقت وياها ساره توصلها : انشاء الله

طارق واقف ساكت ويطالع فيها

ومن بكره الصباح وصلوا رغد وتطمنوا عليها وقالوا بيردّون لها

وفي السياره

عبد الله : طارق ولدي بطلب منك طلب اتمنى ماتردني فيه

طارق : سمّ يبه انت تامرني امر

عبد الله : اله يسلمك , بس ودي اول ماتخلص رغد دراستها على الاقل بس تملج عليها مو لازم الزواج علطول , تدري اهي مابقى لها احد ونا مو دايم لها , وكله مشغول , مابيها تحس بالوحده او تحتاج احد

طارق : افا عليك عمي والله اللي انت تقوله انا بنفّذه , انا شوراي ؟ الا انطرها تخلص دراستها

عبد الله : وابيكم تهتمون فيها انت واخوك وامك وعيال عمامك , ولاتخلونها تحتاج شي ,, انا وعمامك ذابحنا الشغل , العمر يخلص والشغل مايخلص

طارق : انشاء الله عمي , وانت كل مره بتسافر بتوصينا جذي .؟ ( يضحك ) حطيناها بعيوننا من زمان

عبد الله : تسلم عيونك ياولدي , يابختها رغد فيك والله

طارق ابتسم بغرور : احم احم , الا عمي انت قلت لها ؟

عبد الله : مابعد مو وقته

طارق التفت عن عمه مايبيه يشوفه وهو يضحك لانه يدري ان رغد عارفه من زمان بهالشي بس انها تكابر

طارق : انزين يمكن متوافق ؟

عبد الله : وين بتلاقي احسن منك , بعدين انا حاس انها بتوافق , خصوصا انها تحب سعود , وامك تموت عليها

طارق ابتسم وكملوا طريقهم للشركه

( في المستشفى )

منى : اشوى يامعوده انج ردّيتي , والله المستشفى ظلمه بدونج

رغد : سكتي يابويني غصب , بغيت اطيح عيهم امس وهما متيمعين جان اليوم من الصبح هنيه قطوني وراحوا عني

منى : ماعليج منهم زييييييييييييييين , احسن شي سووه انهم يابوج هنيه , على الاقل الاقي حد اسولف وياه ويونّسني

رغد : هذاني بقعد لج لما تطق جبدج مني شرايج بعد ؟

منى : يكون احسن ( وضحكوا ثنتينهم )

الجزء الاخير
ومع مرور الايام , الكل حاول يتناسى امل , لان هذا هو الحل الوحيد عشان يكملون حياتهم ويتابعونها , سالم تغير وايد عن قبل بس مايقدر يقول اللي بقلبه الا لمريم , لانها اهي الوحيده اللي جريبه منه وايد وممكن تسمعه , ساره وفيصل على حركاتهم , رغد وايد خايفه لانها خلصت دراستها معناها انها بتتزوج طارق , وهذا الشي اللي اهي تبيه وماتبيه

يوم الاربعاء يطق باب غرفتها

رغد : هلا يبه

عبد الله : هلا حبيبتي , هاه اشوف الناس خلصوا امتحاناتهم وتفوقوا مع مرتبة الشرف

رغد بفخر : لازم ارفع راسكم يبه

عبد الله ضحك لها : انزين سمعيني يبه بقول لج شي

رغد قام قلبها يدق لانها تعرف زين اهو شبيقول : سم يبه

عبد الله : طارق ولد عمتج طالبج , شقلتي

رغد وقفت من مكانها كأنها اول مره تسمع الخبر : شنوووو ؟ طارق طالبني انه ؟

عبد الله : ايه انتي شفيها ؟

رغد ارتبكت وكأنها فعلا اول مره تسمع الخبر , لانها قبل جذيه كانت كله تحاول تقنع عمرها انه مو صج : مادري يبه

عبد الله : تبين تفكرين ؟

رغد : اذا ممكن

عبد الله : فكري , بس مارح تلاقين حد احسن من طارق , انتي تدرين طارق حسبة ولدي واهو وايد جريب مني . مارتاح لحد من عيال عمومتج الا هو

رغد ابتسمت بتصنع : انشاء الله يبه , بفكر ورد اقول لك

عبد الله : غير عن جذيه انتي وايد تحبين سعود , واهوا قال لي

رغد استحت وابتسمت : عطوني فرصه

عبد الله طلع من الغرفه وابتسم لها : خذي راحتج

رغد قطت بعمرها عالسرير وتمت تفكر , انا وايد احب طارق وسعود , بس ماتوقعت مره من المرات بكون مرته , اهو صج يتعاطف وياي لكن مايحبني , انزين انا ان وافقت شلون بعيش مع واحد مايحبني ؟ جني قاطه عمري عليه ؟ بعدين انا وايد استحي من حركاته واخاف منه بعد . بس مادري ليش

يومين ورغد ساكته ماتتحجى عن الموضوع , الين يا وقت الغدا

عبد الله وهة ياكل : ماردّيتي علي يبه

رغد شرقت بالعصير وقامت تكح : على شنو . ؟

عبد اله طقها على ظهرها : اسم الله عليج ( يضحك ) جذيه تسوي فيج سيرة طارق ؟

رغد استحت وقلب ويهها لونه احمر : يبه انا فكرت

عبد الله باهتمام : هاه ؟

رغد بعد تردد غمضت عيونها وطلعت الكلمه : موافقه

عبد الله لوى عليها : عسى الله يهنيكم ببعض

الكل بارك لهم ., وسالم قعد يتحلطم على طارق لانه كله كان يقول لهم انه مايبي يتزوج وهو اصلا حاط عينه على رغد من البدايه , يوم عن يوم رغد خوفها من طارق وحياها منه يزيد , وتتمنى لو انها ماوافقت , بس اهي اصلا ماتدري ليش وافقت , يمكن قلبها اللي قال الكلمه مو لسانها

وصار يوم العرس , رغد ملاك , حورية نازله على الارض !!

طارق تم مبقق عيونه وهو يطالع فيها ومو مصدق , سبحان الله كل هالجمال حقي انه ؟

رغد بالعرس قلبها يدق اسرع واسرع , بعد شوي بيروحون الشقه , لا ماصدق

الين وصلوا الشقه !

طارق : مبروك رغد

رغد تكلمه وهي قاعده على كنبة الصاله بدون ماتطالع فيه من زود الحيا : الله .. يبارك .. فيك ..

طارق قعد على الكنبه اللي قبالها وخاطره يضحك عليها من مستحاها

رغد قامت

طارق : وين رايحه يبه ؟

رغد : هاه .؟ لا بس .. ببدّل الفستان

طارق يا وقعد يمها : بعدني ماشبعت من شكله عليج ( وتم يطالع فيها )

رغد حست انها تتصبب عرق لانه جريب منها شوي بس قاعد على نفس الكنبه : بعطيك صوره وطالع فيها

طارق : لا .. انا .. ابي الاصل

رغد وهي شوي وتذوب من الحيل قامت بسرعه : بتطمن على سعود

طارق وقف مجابلها وابتسم : سعود نايم يبه

رغد تتهرب منه : لا لا اخاف صحى , عن اذنك

راحت رغد وطارق تم يضحك عليها : ياحليلها تتهرب مني , وايد تستحي فديييييييت اللي يستحون

راح طارق الغرفه شافها حامله سعود بيدينها : حطيه شوي ابي اكلمج

رغد بخوف لانها تعرف حركاته واهو نظراته البارده ماتطمن : بعدين .. يبجي

طارق يا عندها : مارح يبجي

رغد : هاه ؟ الا لانه توه نايم مره ثانيه , وبصراحه ماعندي استعداد يصحى عن اذنك عطشانه بروح اشرب كاس ماي ( وطلعت بسرعه تبين انها تتهرب من طارق وماتبي تكون وياه بنفس المكان )

طارق : هذي متى بتصدق ان احنا تزوجنا ؟ بس شكلها وهي تتهرب مني يفقع ضحك

رغد وهي تحاجي سعود بالمطبخ : انت بخليك تنقذني منه , ( وتطالع سعود بنظرات توسل )الله يخليك لامني قلت لك تبجي سو اللي اقول لك عليه زين ؟ ياربي شهالورطه .

طارق دخل يسبح , بدل ثيابه وتوه بيروح عند السرير بينام , التفت حوله مالقىلا رغد ولاسعود

طارق بصوت مسموع لان الشقه مو كبيره وايد : رغد رغد ؟

مشى طارق لحد الصاله لقاها نايمه على الكنبه وسعود نايم بحظنها

ابتسم طارق : اعرفها , تنطرني انام اول عشان تيي وتنام هنيه

طارق يلس على ركبته وقعد يلعب بشعرها وهي نايمه : رغد ؟ قومي رغد

( رغد مو حول حد لانها من القلق والخوف ماكانت تنام زين , هالمره هذي ياها النوم بدون ماتحس غفت وكمّلتها نومه على الكنبه )

طارق بهدوء شال سعود من عندها وحطه بسريره , رد عند رغد وتم يطالعها وهو قاعد على طرف الكنبه , ياب لحاف من الغرفه وغطّاها .. وردّ الغرفه ينام ..

طارق : بخليها على راحتها لين تتعود علي , عساني اقدر ,

من ثاني يوم رغد صحت مفزوعه تلفت حلوها حمدت ربها انها بالصاله غسلت ويهها , دخلت الغرفه بشويش وين ماكانوا طارق وسعود نايمين , راحت عند سعود شافته نايم حبته وراحت عد طارق


شافت الساعه كانت 8 الصبح

راحت عند طارق وقامت تحاجي روحها وهي تضحك على غبائها : خلني اروح اشوف زوجي , ماقد مرة تمقّلت فيه عدل , الحين اهو نايم وانا متطمنه , لا صار قايم ماقدر اطالع فويهه .

قعدت رغد على طرف السرير وقربت منه تطالعه وصارت تفكر بصوت مسموع كعادتها : وايد وسيم , عيونه حلوه , حواجبه مرسومه , خشمه وايد متناسب ويا ويهه , ليته يحبني مثل مانا احبه

رغد ماكملت وتمت تضحك على روحها : ياخبله قاعده تتغزّلين فيه شنو اول مره تشوفينه ؟ ( حطت يدها بشويش على شعره ) : و شعره وايد ناعم بعد انعم من شعري , خلني اقوم بس لايصحى ويشوفني

قامت رغد من السرير بشويش , التفت شافت طارق مبتسم , اهو كان صاحي اول مايات عنده , عرف انها موجوده من ريحة عطرها بس مابغى يقوم , وسمع كل اللي قالته

رغد خافت لايكون قايم وسمعها وحس فيها , بس طارق طنّشها بمزاجه , لما يصحى يصير خير , وضحك من داخله مبسوط على اللي يصير .. رغد خذت سعود وطلعت برا الغرفه

يات الساعه 10 طارق صحى تلفت على رغد شافها تطالع تلفزيون

طارق واقف على باب الصاله وهو مبتسم : صباح الخير

رغد بارتباك لانها شاكّه انه سمعها : صباح .. النور

طارق : ماكو ريوق ؟

رغد : الحين يزهب

طارق : شكرا

رغد : العفو

( دخل طارق الغرفه )

طارق : رغــــد موبايلج يرن

رغد يات من المطبخ ودخلت الغرفه تلفتت على موبايلها وشالته : خرعتني طلعت مسج

طارق : شدراني ان هذي مسج بعدين هذا يزاتي ؟

رغد ابتسمت له : طيب شكرا

( تسندت رغد عالجدار تقرا المسج .. وتشوف طارق يطالعها وهو يتبسّم .. نزلت عيونها تكمل قراءه المسج لانها ترتبك لاياو عيونها بعيونه ,, ماحست لا اهو ياي ناحيتها ,, اهي كانت متسنده عى الجدار , وقف قبالها وحط يدينه عالجدار اللي اهي متركّيه عليه وضحك )

رغد خافت : ش .. شن شنو ؟

طارق يبتسم بحنيه : ماكو . ابي اخذ نظره عن قرب

رغد فكرت تبعد بس وين تبعد اهي لازقه بالجدار , نزلت من تحت يدينه : سعود يبجي ؟

طارق مسك يدها وهو يضحك عليها : لا مايبجي تعالي

رغد تسحب يدها من طارق : الا انا سامعته يبجي عن اذنك

طارق مسكها : متى بتصدّقين انج زوجتي ؟

رغد خافت وصارت تتنفس بصعوبه وكانها تسمع الكلمه اول مره

طارق : يبه رغد شفيج ؟ انتي ماكنتي تبيني بس ابوج غصبج ؟

رغد مرتبكه : لا شنو ؟ اصلا ابوي مايغصبني على شي

طارق : ايل ليش مستحيه وخايفه مني .؟

رغد تفك يدينه من على اجتافها : مادري عاد خلاص

طارق ردّ حط يدينه : لاتفجّينهم خلني اكمل كلامي

رغد : اااه . ماتبي ريوق ؟

طارق : لا

رغد : عاد انا بديت فيه بتاكله غصبن عنك

طارق : انزين روحي كمّليه ويا ويهج , بعدين لي كلام ثاني وياج ,,

ومرو يومين وثلاثه .

وفي الليل مر طارق الصاله شافها نايمه على الكنبه : هاذي ظهرها ماعوّرها وهي تنام هنيه كل يوم ؟ ( شالها ودّاها الغرفه وحطّها عالسرير ولحفها وراح الصاله )



ومرت ايام وايام . ورغد مازالت تتهرب منه , طارق خلاص طقّت جبده , لازم يقول لها لازم يقول لها

كانت رغد قاعده بالصاله تطالع بالتلفزيون , وعينها على الغرفه .. ولا اهي ماتدري اصلا شقاعده تطالع

طارق طلع من الغرفه : رغد .. تعالي .. ابيج شوي

رغد وقفت : تبي شي قول لي هني

طارق : لا تعالي دقيقه ,سعود يبجي

رغد : والله ؟ كاني يايه

رغد دخلت الغرفه شافت سعود نايم : كاهو نايم , وين يبجي ؟

التفتت على طارق لقته يضحك

رغد يات بتطلع من الغرفه : سخيف

طارق مسكها من ذراعها : وين رايحه ؟

رغد : الصاله

طارق انا عطينج فرصه تتعودين علي بس خلاص انا زهقت

رغد تمت تطالعه واول مره عيونها في عيونه

طارق : رغد آنه ..

رغد لفت ويهها يوم اللي حست انه بيقول شي مهم

طارق لف ويهها عليه : رغد آنه احبج

رغد تمت تطالعه بغير تصديق : شلون ؟

طارق : زي مانتي تحبيني , انا احبج , ويمكن انا احبج اكثر بعد . لا تخافين غيري الفكره اللي في بالج , انا مشاعري تجاهج الحب مو شي ثاني غير جذي

رغد دخلت يدينها بشعرها ورجعته ورا ويهها وابتسمت على يمب : يعني ....

طارق رجع الخصل القصيره اللي بقت على ويهها بيده ورا : كلمه مالها تفسير ثاني , رغد انه احبج ., شلون تفهمينها ؟

ابتسمت رغد وحست ان جسمها كله يرتعش , ومافيها شي على بعض , ومو عارفه شتقول ولا شلون تتصرف , يلست على رف السرير ونزلت راسها تفكر

طارق يا ويلس يمّها وهي قامت

طارق قام : شفيج ماتبيني ؟ لايكون انا شاذي ومادري ( يطالع في المرايه )

رغد : لا لا محشوم لا شاذي ولاشي , بس ,, الوضع يديد شويه

طارق وقف قبالها : يابنت الناس .. عادي

رغد : لا مو عادي

طارق : خلاص فهمت , انتي ماتحبيني , صح ولا لا ؟

قامت رغد عنه المطبخ وهي تحوس فيه , ولا شعوريا قامت تغني ( موت احبك ) اغنية عيضة , وماحطت في بالها ان طارق ممكن يسمعها لانه كان ماسك موبايله اكيد بيكلم

رغد وهي تصلح في المطبخ وساعه ترد الصاله تصلح مخدات الكنب : تدري اني موت احبك وان مالي غير حبك واللي ينبض في ضلوعي ماهو قلبي هذا قلبك

رغد تكمل وهي تغسل كم صحن كانوا بالمغسله : تدري يافرحي وهمي من كثر مانتا في دمي كل ماتنظرك عيني ............ماتفارقني طيوفك , صرت اناظر في المرايا ماأرى نفسي واشوفك ,,

طارق كان توه طالع من الغرفه سمعها تغني وقف مكانه , بالنسبه له , صوتها وايد حلو , صح فيه بحه بس وايد ناعم , عاد ايش تغني ؟ اهو يدري انها تقصده بالكلام , اه منج يارغد والله ادري هذا كلام قلبج ولا انتي ماتجرأين تقولين هالحجي

طارق وقف متركّي على باب المطبخ يطالعها باعجاب ورغد مو منتبهه : واللي ينبض في ضلوعي ... ( التفتت شافته ) وانصدمت , سكتت وقطعت الاغنيه وغسلت يدينها

طارق بنظرات ذوّبت الباجي من رغد : كمّلي , وايد حلوة الاغنيه

رغد بحيا : هاه ؟ خلّصت اصلا

طارق يا عندها بهدوء وبرود وحبها على خدها : وانه بعد موت احبج ... يازوجتي العزيزه

رغد انصدمت من حركته بس تمت حاطه يدها على خدها تحاول تستوعب اللي يصير ,

رغد بعصبيه وهي مبطّله عيونها مستغربه عالاخر : انت شلون تسوي جذيه ؟

طارق طالعها باستغراب وهو فاقع ضحك عليها , وحبها على خدّها الثاني : اموت فيج وانتي متخرعه وخايفه مني , يابعد قلب ريلج التعبان

رغد سكتت فتره بعدين ضحكت على روحها بغباء : طارق ؟

طارق : عيون طارق

رغد بدلع : وبعيدن وياك عااااااااااااااااااد ؟

طارق ضحك عليها : شسوي لج , ذابحتني منتي راضيه تفهمين

رغد : ايه عاد انت تخرّعني

طارق بحنان : احب شكل عيونج وهم مبققين ومخترعين مني

رغد تدفه من عند جتفه : صج ماتعرف تقول كلام حلو ويا ويهك

طارق مسك يدها : ياحبيبتي انتي يابعد عمري , شقول فيج مهما قلت ماوفيج حقج

رغد بدلع : علينا ؟

طارق قعد على الطاوله اللي بالمطبخ

رغد : شفيك ؟

طارق : تعالي قعدي يمي

رغد : بالمطبخ ؟

طارق : لاتطوّلينها بسرعه بس بقول لج شي

رغد يات وقعدت بعيد عنه شوي , زحف هو وقرب عندها , ورغد طبعا حمر ويهها

طارق : فديت الويه اللي استوى طماط

رغد : يللا عاد

طارق: كل ماعدّيت اسباب حبي لك اغلط بالعدد واعد من ثاني .. ( يلعب بشعرها ) اختارك الزين من بين كل جيلك واحتار وش يوصف من وصفك لساني ..

رغد وهي منزله ويهها ومستحيه , مافي فايده تنحاش : طارق مو كأن سعود يبجي ( تضحك )

طارق : اششش , كيفه !

The End

وتسلمولي حبايبي عالمتابعه .. وان شاء الله بتكون القصه عجبتكم ..

دمتم بكل ود ..

يااااااااااااااااااااااااااااااااااااي
فديييييييت طااارق ورغوده اناا
ياااقللي عليييهم يهبلوو
بس ساااالم ياعمري علييية الحمد لله انه قدر ينسى امل
فدييييييييتهم
مشكوووووووورة حيااااتي ع القصة الاكثثر من رووووووووعة
ثااااااااانكس حبي


دمتي بود

وييييييييييلكم قلبووووو .. تسلميلي عالمتابعه ..

عقبال الاعضاء التانين بدي رايهم اعرف اختار قصة ولا لا ^_*

العفووو حبي
اكيييييد تعرررفي
واهم شي انها عجبتني انا ودوللي
خخخخخخخخخ

دمتيـ بود

وووربي شويه كنت حبكي

الله يرحم امل


ويااقلبوا تعرفي تختاري ونص مدام انا وهموسه عاجبتنا

جد قصه مؤثرة يا حيااتي

دمت بود

قريت بعض من القصه رائعه

راح اكمل القراءة

يعطيك العافيه على الطرح

الف شكر لك

ولاتحرمينا من جديدك

همس .. دولي .. منورين على طول ..

فواز .. ولامن جديدك اهم شئ تعجبك ^_*

مشكوره اختي بصراحه مره
عجبتني القصه

والله يعطيكي الف عافيه


(براد)

الله يعافيك .. وكويس انها عجبتك .. شاكره مرورك